कार्यालय परिचय
काठमाडौं जिल्लाको जनसंख्या, भौगोलिक अवस्थिति र स्थानीय राजनीतिक दलहरूको माग समेतलाई मध्यनजर गरी नेपाल सरकारको मिति २०६९।११।२१ को निर्णयानुसार यस ईलाका प्रशासन कार्यालय, साँखुको स्थापना भएको हो । काठमाडौं जिल्लाको उत्तरपूर्वी भेगमा रहेको शंखरापुर नगरपालिका, कागेश्वरी मनोहरा नगरपालिका र गोकर्णेश्वर नगरपालिकामा रहेका (साविकका डाँछी, भद्रवास, आलापोट, गागलफेदी, मुलपानी, सुन्दरीजल, गोकर्णेश्वर, नयाँपाटी, बालुवा, नाङ्लेभारे, लप्सीफेदी, सुन्टोल, पुखुलाछी, बज्रयोगीनी र इन्द्रायणी गा.वि.स.) हालका २० वटा वडाका जनताहरूलाई सेवा प्रवाह गर्ने उद्देश्य अनुरूप यस कार्यालयको स्थापना गरिएको हो । यस ईलाका प्रशासन कार्यालय, साँखुमा नेपाल सरकारको रा.प. द्वितीय श्रेणीको उपसचिव कार्यालय प्रमुख रहने व्यवस्था छ । हाल यस कार्यालय काठमाडौं जिल्ला, शंखरापुर नगरपालिका वडा नं. ७, साँखुमा रहेको छ ।
ईलाका प्रशासन कार्यालय, साँखुको उद्देश्य
शंखरापुर नगरपालिका, कागेश्वरी मनोहरा नगरपालिकाको वडा नं. १ देखि ७ सम्म र गोकर्णेश्वर नगरपालिकाको वडा नं. १ देखि ४ सम्म बसोबास गर्ने जनताहरूलाई नागरिकता, नाबालक परिचय पत्र, राहदानीको सिफारिस, जनजाती/आदिवासी सिफारिस, शान्ति सुरक्षा र ठाडो उजुरी सम्बोधन जस्ता सेवाहरू प्रदान गर्ने ।
ईलाका प्रशासन कार्यालय, शंखरापुर नगरपालिका, साँखु, काठमाडौं ।
फोन नं. - 01-4450437
मोवाईल नं. - 9851076650 शाखा अधिकृत (सूचना अधिकारी)
Email address - ilakasankhu@gmail.com
Website - https://aaosankhu.moha.gov.np
| मिति | कार्यालय परिचय विवरण | फाईलहरु | एक्सन |
|---|---|---|---|
| २०७८-०८-०७ |
कार्यालयकाे परिचय२०७८-०८-०७ |